APADRIÑAMENTO LECTOR 2018

Celebramos o luns 23 de abril o Día do Libro. Foi unha xornada moi especial para promover a lectura. Os alumnos/as de 4º foron padriños/madriñas dos máis pequenos (infantil, 1º e 2º de primaria). 

Compartiron con eles momentos de lectura en lugares moi diversos do cole como no patio, no pavillón, nos corredores, no ximnasio...

Aquí quedan algunhas fotos do momento.

Os afillados e afilladas regaláronlle estes fermosos agasallos!!

LEMBRA....  que hai que ler todos os días para ser un bo Lector/a. Aquí quedan as posturas para Ler... Cal é a túa?

Felices Lecturas!!

Día da Poesía

Que es poesía? Dices mientras clavas

en mi pupila tu pupila azul;

Qué es poesía...? ¿Y tú me lo preguntas?

!Poesía...eres tù!

RIMA XXI Gustavo Adolfo Bécquer

Con estes versos, tan coñecidos do escritor sevillano G. Adolfo Bécquer, comezamos a Semana da Poesía.
Os alumnos/as convertéronse nuns auténticos poetas, creando na aula poesías con diferentes temáticas (vento, río, flores, mar, estrelas, peixes...)

Aquí podedes ver os traballos realizados.

E para celebrar o día mundial da Poesía (21 de marzo) o xoves participaron no 4º Certame poético na biblioteca do cole. Así de ben o fixeron!!

Pica no enlace para ver a presentación das poesías.

http://prezi.com/1htmbckosbva/?utm_campaign=share&utm_medium=copy

Club de Lectura

Este curso estreamos unha nova actividade, o club de lectura para todos os alumnos/as de 4º curso.Temos moitas ganas de ler e de compartir experiencias literarias.

A nosa primeira lectura será Escarlatina, a cociñeira defunta e Las Brujas. Os alumnos/as de 4ºA comenzarán co libro de Escarlatina e os de 4ºB co das Brujas. No 2º trimestre os intercambiamos.

Escarlatina, é unha obra da galega Ledicia Costas que recibiu o Premio Nacional de Literatura Infantil e Xuvenil 2015. 

Trata de Román, un neno de 11 anos, que naceu o día dos defuntos. Polo seu aniversario recibe un agasallo inesperado. E é así como coñece a Escarlatina, unha cociñeira, que xuntos van a emprender unha viaxe para elaborar unha receita para vivos e mortos.
Umhhhhh...que boa pinta!!

Las Brujas, é unha novela infantil fantástica escrita por Roald Dahl, un gran autor de literatura infantil. Comenzou o seu traballo para nenos ao escribir o que lle contaba aos seus fillos.

Narra a historia dun neno de 7 anos, que coa axuda da súa avoa, ten que enfrentarse a unha terrible asociación de bruxas de Inglaterra. Pero estas bruxas non son como as que aparecen nos contos de fadas... son bruxas de VERDADE. 

Conseguirán  vencelas o protagonista e a súa avoa?

IREMOS INFORMANDO e BOAS LECTURAS!!